არდა გიულერის სამსახურით ბერგამოს „ატალანტაც“ ინტერესდება. ამ ეტაპზე თურქ ფეხბურთელს ორი იტალიური კლუბი ეპატიჟება „მილანისა“ და „ატალანტას“ სახით.

იტალიური გამოცემების ცნობით, არდა „რეალიდან“ წასვლის შემდეგ იმ კლუბს აირჩევს, რომელიც სათამაშო გარანტიებს მისცემს, ვინაიდან მისი პროგრესი სწორედ სათამაშო წუთებზე გადის.

გიულერს ამ სეზონში მადრიდის „რეალის“ სათამაშო წუთების საერთო რაოდენობის 5%-იც კი არ აქვს ნათამაშები, რაც ძალიან დაბალი შედეგია.

თუ „რეალი“ ლა ლიგას დროზე ადრე მოიგებს, ბოლო წუთებში არდას სათამაშო დრო მნიშვნელოვნად გაიზრდება, მაგრამ ეს საბოლოო ჯამში არაფერს წყვეტს.

ესპანური გამოცემების ცნობით, გიულერი წასვლაზე სერიოზულად ფიქრობს და ამ საკითხზე ანჩელოტისთან აუდიენცია სეზონის ბოლოს ექნება.