კარლო ანჩელოტიმ „სიტისთან“ მატჩის შემდეგ პრესკონფერენცია გამართა...

„პირველ რიგში უნდა ითქვას, რომ მატჩის სტარტმა ყველაფერი შეცვალა. გოლის გაშვებამ, თანაც სრულიად უწყინარ სიტუაციაში ძალიან დაგვაბნია, თუმცა მალევე შევძელით წონასწორობის აღდგენა და წინ გასვლა. ვფიქრობ, პირველ ტაიმში მესამე გოლის გატანა შეგვეძლო, მაგრამ არ გაგვიმართლა. ამ შემთხვევაში სულ სხვა სურათს ვიხილავდით.“

„მეორე ტაიმში მაქსიმალურად ვცდილობდით, მეტოქისთვის სივრცეები არ მიგვეცა, ამას კი დიდი ენერგია სჭირდება, რაც საბოლოო ჯამში გამოგველია. გვარდიოლას გუნდმა შორეული დარტყმებით საოცარი გოლები გაიტანა, მაგრამ ისევ არ დავიბენით და წონასწორობა აღვადგინეთ.“

„თამაშით კმაყოფილი ვარ, მაგრამ შედეგით ვერცერთ ვარიანტში ვერ ვიქნები კმაყოფილი. მთავარი ბრძოლა მანჩესტერში გველის, მაგრამ დავამტკიცეთ, რომ შესანიშნავად თამაში შეგვიძლია.“

„მთელი თამაში შემართებით და გამბედაობით ვითამაშეთ და ფეხბურთელებს მადლობას ვუხდი.“

„ვინისიუსი და როდრიგო მარცხენა ფლანგზე შესანიშნავად კომბინირებდნენ, გოეშს მე მივეცი დავალება, რომლის მიხედვითაც, მარცხენა ფლანგზე ხშირად გადადიოდა, ვინაიდან ბოლო მატჩებში ის ამ წერტილიდან განსაკუთრებით ეფექტური იყო.“

„შესვენებაზე ფეხბურთელებს ვუთხარი, რომ უფრო მწვავედ შეეტიათ და ასეც ვაპირებდით, თუმცა გაშვებულმა გოლებმა სირთულეები შექმნა.“

„სტადიონის გადახურვა? ამას უფრო კარგი ატმოსფერო შექმნა. საღამო მართლაც საოცარი გამოვიდა.“

„შანსები კვლავ თანაბარია, ჩვენ მცირე მინუსი გვაქვს გულშემატკივრების გამო, მაგრამ ინგლისშიც საუკეთესო ფეხბურთის ჩვენებას ვგეგმავთ.“

„ჩუამენი გუნდს დააკლდება, არჩევანს კი ედერ მილიტაოსა და ნაჩეტე ფერნანდესს შორის გავაკეთებ. ამ საკითხზე საუბარი ჯერ ადრეა.“

„4-3 მოგება უპირატესობას მოგვცემდა, მაგრამ გვარდიოლას გუნდთან მაინც მძიმე ბრძოლა მოგვიწევდა. სურათი არც ახლა იცლვება, ინგლისში ჩვენი მთავარი მიზანი მოგება უნდა იყოს.“

„ბელინგემს გოლი არ გაუტანია, მაგრამ მოედნის ყველა წერტილში ეფექტური იყო. განსაკუთრებით აღსანიშნავია მისი მხრიდან დაცვითი ფუნქციების კარგი შესრულება.“

„გულშემატკივრები დიდ დახმარებას გვიწევენ, მათი როლი ყოველთვის ძალიან დიდია.“