Confidencial-ის და OkDiario-ს ინფორმაციით, მადრიდის „რეალის“ რადარზე „ბილბაოელი“ ნიკო ვილიამსი მკვეთრად არის გამოჩენილი...

ახალგაზრდა ფორვარდის დამატება „ბლანკოსის“ გარდა კიდევ რამდენიმე კლუბს სურს. ნიკო ამტკიცებს, რომ ძალიან დიდი პერსპექტივა აქვს და მის ძმაზე მეტის მიღწევაც შეუძლია.

არსებული კონტრაქტის მიხედვით, „ბილბაოს“ ფორვარდს კლუბში დარჩენა 2027 წლამდე უწევს, თუმცა მადრიდში თვლიან, რომ ბასკურ კლუბთან მოლაპარაკებების გამართვა სავსებით შესაძლებელია.

ნიკო 21 წლის არის, მას შეუძლია როგორც ცენტრ-ფორვარდად თამაში, ასევე ფლანგებიდან შეტევა, რაც მის შესაძლებლობებს კიდევ უფრო ამრავალფეროვნებს.