სრულიად ესპანური პრესა და მადრიდული პუბლიკა თანხმდება იმაზე, რომ მომდევნო 3 კვირა მადრიდის „რეალისთვის“ გადამწყვეტი იქნება...

9 აპრილს „მერენგები“ მანჩესტერ „სიტის“ ჩემპიონთა ლიგის 1/4 ფინალში უმასპინძლებენ.

ამ მატჩიდან 4 დღეში, 13 აპრილს „ბლანკოსის“ მეტოქე „მალიორკა“ იქნება, რასაც ასევე 4 დღეში, 17 აპრილს „სიტისთან“ განმეორებითი დაპირისპირება, ამჯერად უკვე ინგლისში მოჰყვება.

21 აპრილს „მერენგებს“ „ელ კლასიკო“ ელით, რომელიც სანტიაგო ბერნაბეუზე არის ჩანიშნული, ხოლო ამ დაპირისპირების შემდეგ 27 აპრილს „სოსიედადთან“ სტუმრობა.

როგორც ჩემპიონთა ლიგაზე, ასევე ლა ლიგაში წარმატებული თამაში საბოლოო გამარჯვების საწინდარი იქნება.

ეს გახლავთ გადამწყვეტი 3 კვირა, რომელიც მადრიდულმა გრადმა უმაღლეს დონეზე უნდა ჩაატაროს.