ბრიტანული გამოცემების ცნობით, მიმდინარე სეზონის ბოლოს ტრენტ ალექსანდრ არნოლდის „ლივერპულიდან“ წასვლა რეალურია...

მერსისაიდელებში დიდი ქაოსია, კლოპის შემცვლელთან დაკავშირებით კი არაერთი ინფორმაცია ვრცელდება. დადასტურებით უნდა ითქვას, რომ „ენფილდზე“ ჩაბი ალონსო არ იმუშავებს, სხვა მწვრთნელების კანდიდატურები კი აქტიურად განიხილება.

ტრენტი მადრიდის „რეალის“ რადარზეა და ვრცელდება ინფორმაცია, რომ ფლორენტინო პერესს ის ყველაზე მეტად მოსწონს და დანიელ კარვახალის იდეალურ შემცვლელად მიიჩნევს.

რადარიდან არსად გამქრალა რის ჯეიმსიც, რომელსაც „ჩელსი“ ზაფხულში გაყიდვას უპირებს, ვინაიდან ფინანსური Fair Play-ს წესების დაცვა სურს, თუმცა ინგლისელი მცველის ტრავმიანობა სამეფო კლუბში ძალიან აფიქრებთ.

არსებული ინფორმაციით, პრეზიდენტი პერესი არნოლდისთვის 60 მილიონი ევროს გამოყოფას გეგმავს.