გუშინ საღამოს ფიზ.მომზადების სპეციალისტმა, ანტონიო პინტუსმა კარლო ანჩელოტის გეგმა წარუდგინა, რომლითაც მადრიდის „რეალის“ ფეხბურთელები „სიტის“ წინააღმდეგ მოემზადებიან...

მთავარი და აუცილებელი ის არის, რომ „რეალმა“ ბერნაბეუზე გასამართ დაპირისპირებაში გვარდიოლას გუნდზე მეტი ირბინოს, თანაც არამხოლოდ 1 ან 2, არამედ 7-8 კილომეტრით.

პინტუსი და ანჩელოტი წარმატების გასაღებს მოძრაობაში ხედავენ. არცერთი ცარიელი ადგილი და მაქსიმალური შებოჭვა ისეთ ფეხბურთელებს, როგორებიც დე ბრუინი, ბერნარდუ სილვა, ჰოლანდი და სხვები არიან.

სპეციალური პროგრამით ივარჯიშებენ ფედერიკო ვალვერდე და ჯუდ ბელინგემი, ასევე განსხვავებული პროგრამა ექნება ედერ მილიტაოს, რომლის მაქსიმუმიც მანჩესტერელთა წინააღმდეგ 30 წუთი უნდა იყოს.