ბრიტანული და ესპანური გამოცემების ცნობით, როდრიგო გოეშის დამატებით მსოფლიო დონის გრანდები ინტერესდებიან...

გავრცელებული ინფორმაციების მიხედვით, კილიან მბაპეს „რეალში“ ტრანსფერს არაერთი გრანდი ელოდება იმისთვის, რომ როდრიგო გოეშზე ნადირობა დაიწყოს. ბრაზილიელი ფეხბურთელის თავად „პსჟ“ 145 მილიონს ამზადებს, ასპარეზზეა გამოსული „ლივერპულიც“, რომელიც 115 მილიონიანი წინადადებების დამუშავების პროცესშია.

ამასთანავე, დაახლოებით ერთი კვირის წინ ვრცელდებოდა ინფორმაციები, რომლის მიხედვითაც, „ჩელსი“ სამხრეთ-ამერიკელი წინახაზელის სანაცვლოდ 150 მილიონზე მეტს ამზადებდა.

გარდა ზემოხსნებული გუნდებისა გოეშის დამატებაზე პრეტენზიას „არსენალი“ და მანჩესტერ „იუნაიტედიც“ აცხადებენ, რომელთა შეთავაზების შესახებ ჯერ-ჯერობით ცნობილი არაფერია.

თავად ფეხბურთელმა რამდენიმე თვის წინ „რეალთან“ მრავალწლიან კონტრაქტს მოაწერა ხელი და მისი გუნდიდან წასვლა წარმოუდგენელი ჩანს, თუმცა ფაქტია, რომ ფლორენტინო პერესს მაგიდაზე საკმაოდ სერიოზული შეთავაზებები ექნება.