ბუენოს აირესში მყოფმა პიპიტამ ისაუბრა "რეალის" მდგომარეობაზე.

''ჩვენ ვერ მოვიგეთ პირველი თამაში, თუმცა ეს უკვე წარსულს მივაბარეთ და ახლა მომავალზე უნდა ვიფიქროთ. ესპანეთის ჩემპიონატი თითქმის მთელი წელი გრძელდება და მნიშვნელოვანია არა ის, თუ როგორ დავიწყეთ გამოსვლა, არამედ, როგორ დავამთავრებთ.''

არგენტინელმა მოურინიოს შესახებაც ისაუბრა და განაცხადა, რომ იგი არის სერიოზული და მოტივირებული მწვრთნელი, რომელიც მიჩვეულია გამარჯვებებს.

''ჩვენ იმედი გვაქვს, რომ მოურინიო შეძლებს "რეალის" გაძლიერებას და იგი კვლავ დაიბრუნებს ძველ დიდებას. რაც მთავარია ჩვენ მის დარიგებებს ვისმენთ და მაქსიმალურად ვცდილობთ თითოეული დავალება 100%-ით შევასრულოთ.'' - განაცხადა პიპიტამ.