კარლო ანჩელოტიმ ჟურნალისტებთან საინტერესო ინტერვიუ ჩაწერა.

„ალბათ ძალიან იღბლიანი ადამიანი ვარ, რადგან ვასოცირდები 2 კლუბთან, რომელსაც ჩემპიონთა ლიგა ყველაზე მეტჯერ აქვს მოგებული და ეს ყველაფერზე მეტყველებს. „რეალს“ და „მილანს“ ჩემს ცხოვრებაში უდიდესი როლი ჰქონდათ, ორივე კლუბთან ერთად უამრავი ტიტული მოვიგე.“

„კროოსი ნაკრებში? ეს მისი გადაწყვეტილებაა. ტონი ყოველთვის და ყველგან ეფექტურია. დარწმუნებული ვარ, ნახევარმცველი ბუნდესნაკრებს ძალიან გამოადგება.“

„„ბლანკოსში“ ძალიან ბედნიერი ვარ. ყველას მადლობა, ვინც აქ ყოფნის საშუალებას მაძლევს. მსოფლიოს საუკეთესო კლუბის სათავეში ყოფნა რა თქმა უნდა, ბევრს ნიშნავს.“

„მოდრიჩი? თუ ის წავა, ყველა მადრიდისტას გული დაწყდება, ჩვენც ასე ვიქნებით, ეს ბუნებრივია. მსგავსი რამ მოხდება, როგორც ამ ზაფხულს, ასევე მისი დარჩენისა და 2025 წელს წასვლის შემთხვევაშიც. ამაში გასაკვირს ვერაფერს ვხედავ.“