ლუკა მოდრიჩის მსგავსად, „სელტასთან“ დაპირისპირება ტონი კროოსისთვისაც საიბილეო გამოდგა.

გერმანელმა ფეხბურთელმა სამეფო კლუბი ღირსება ლა ლიგაში მე-300-ედ დაიცვა, საიდანაც 196 გამარჯვება აქვს დაფიქსირებული და 22 გატანილ გოლს მოითვლის.

ტონის დებიუტი ლა ლიგაში 2014 წელს „კორდობას“ წინააღმდეგ შედგა, მას შემდეგ გერმანელმა ლა ლიგის მოგება 3-ჯერ მოახერხა.

გუნდი, რომლის წინააღმდეგაც კროოსს ყველაზე მეტი მატჩი აქვს ჩატარებული მადრიდის „ატლეტიკოა“, ის თანაქალაქელებს 19-ჯერ დაუპირისპირდა.

ასევე აღსანიშნავია, რომ „სელტა“ არის გუნდი, რომელიც კროოსმა ყველაზე მეტჯერ (14) დაამარცხა.

ბერნაბეუზე გამართული დაპირისპირების შემდეგ ფლორენტინო პერესმა ლეგენდას 300 ნომრიანი მაისური უსახსოვრა.