მიუხედავად იმისა, რომ ანდრეი ლუნინი ამ სეზონში სასტარტო შემადგენლობის ფეხბურთელად ითვლება, უკრაინელი წასვლას მაინც ფიქრობდა, მაგრამ ახლა აზრი შეიცვალა.

არსებული ინფორმაციით, მადრიდის „რეალმა“ მას ახალი კონტრაქტი შესთავაზა და პირობებიც გააცნო. ანდრეი მუდმივად სასტარტოს მოთამაშედ მომდევნო სეზონში აღარ განიხილება, თუმცა ის ხშირად მიიღებს შანსს როგორც სამეფო თასზე, ასევე ლა ლიგასა და ჩემპიონთა ლიგაზეც.

ასევე ვრცელდება ინფორმაცია, რომლის მიხედვითაც, ანდრეი დამატებით ჩემპიონატებზეც მიიღებს მონაწილეობას. ეს იქნება საკლუბო მუნდიალი, ესპანეთის სუპერთასი, ევროპის სუპერთასი თუ სხვა.

თუ უკრაინელი „რეალში“ დარჩება, სეზონში ყველა ტურნირზე მინიმუმ 20 დაპირისპირებას ჩაატარებს, რაც ცუდი შედეგი არ უნდა იყოს.

რაც შეეხება ტიბო კურტუას, დაბრუნების შემდეგ ის კვლავ N1 მეკარედ განიხილება, მადრიდში მიაჩნიათ, რომ ბელგიელი საკუთარ პოზიციაზე მსოფლიოში საუკეთესოა.