ვინისიუს ჟუნიორის უმთავრეს პრიორიტეტად კვლავ ემოციების კონტროლი რჩება. კარლო ანჩელოტი და სამწვრთნელო შტაბი ამ საკითხზე კიდევ იმუშავებს.

ფაქტია, რომ ბრაზილიელი ფეხბურთელის მიმართ დიდი აგრესიაა, განსაკუთრებით ამის თქმა ბერნაბეუს გარეთ მატჩებზე შეიძლება, თუმცა უნდა აღინიშნოს, რომ სამხრეთ-ამერიკელს სხვადასხვა ფეხბურთელთან კამათი ბერნაბეუზეც მოსდის.

ის, რაც „ლაიფციგთან“ მოხდა, „რეალის“ სამწვრთნელო შტაბს არ მოსწონებია.

ესპანური გამოცემები იუწყებიან, რომ მბაპეს ტრანსფერმა ვინისიუსი შესაძლოა ცოტა დაჩრდილოს და ფეხბურთელს მეტი სიმშვიდის საშუალება მიეცეს.

ამ ეტაპზე ვინის მიმართ განსაკუთრებული აგრესიაა, რადგან ის ყველაზე საშიშ ფეხბურთელად ითვლება, კილიანის გამადრიდელების შემდეგ კი კლუბის თავდასხმაში როლების გადანაწილება აუცილებლად მოხდება.

თავის მხრივ, კარლო ანჩელოტი ბრაზილიელს მხარს უჭერს, მაგრამ ამასთანავე მიანიშნებს ნაკლოვნებებზე, რომელიც ვინის ნამდვილად აქვს.