ESPN-ის ცნობით, ფლორენტინო პერესი ერლინგ ჰოლანდის ტრანსფერზე მუშაობას სერიოზულად იწყებს...

მადრიდის „რეალი“ მმართველი თვლის, რომ ნორვეგიელი ფეხბურთელი იქამდე უნდა შეიძინოს, სანამ წინახაზელი მანჩესტერ „სიტისთან“ ახალ კონტრაქტს გააფორმებს და მისი დამატება ფაქტობრივად შეუძლებელი გახდება.

ჰოლანდი ინგლისელებთან ურთიერთობის გაგრძელებასთან დაკავშირებით ჯერ-ჯერობით არანაირ ნაბიჯს არ დგამს, სწორედ ამიტომ, „ბლანკოსის“ ოპტიმზმი დიდია.

პერესი ფიქრობს, რომ 2025 წელს ჰოლანდის დამატება სრულიად შესაძლებელი იქნება, რაც იმას ნიშნავს, რომ „რეალის“ თავდასხმაში მსოფლიოს მეგა ვარსკვლავები მოიყრიან თავს.

ჰოლანდს „სიტისთან“ ხელშეკრულება 2027 წლამდე აკავშირებს, მაგრამ ინგლისური მხარე ფეხბურთელის აგენტს, რაფაელა პიმიენტას ახალ კონტრაქტზე დიდი ხანია ესაუბრება.

ESPN იხსენებს ჯერ კიდევ 1 წლის წინ გავრცელებულ ინფორმაციას, რომლის მიხედვითაც, 2024 წლის შემდეგ ჰოლანდს „სიტის“ დატოვება საკუთარი სურვილით შეეძლება, თუ მსურველი კლუბი 175 მილიონ ევროს გადაიხდის.