ემილიო ბუტრაგენიომ ჩემპიონთა ლიგის დაპირისპირება შეაფასა...

„ეს თამაში კიდევ ერთი ცალსახა მაგალითია იმისა, რომ ევროსარბიელზე ნებისმიერი შედეგი შეიძლება დაფიქსირდეს. „ლაიფციგი“ ბერნაბეუზე ჩამოვიდა და შესანიშნავი დაპირისპირება შემოგვთავაზა. ანჩელოტიმ ტაქტიკა შეცვალა და ფრთხილი სისტემა აირჩია, რაც თავისთავად შეიცავდა რისკებს, თუმცა საბოლოო ჯამში სასურველი შედეგი მივიღეთ. ახლა დიდი დრო გვაქვს იმისთვის, რომ 1/4 ფინალის მატჩებზე ვიფიქროთ და საუკეთესო ფეხბურთი ვითამაშოთ.“

„ბელინგემის და ვინისიუსის მომენტი მართლაც შესანიშნავი გახლდათ, თავისი კონფეფციით, სიჩქარით, სისწორით და იდეით. ბერნაბეუზე შეკრებილმა პუბლიკამ ამ მომენტით ძალიან დიდი სიამოვნება მიიღო.“

„მთავარი ის არის, რომ გუნდმა მნიშვნელოვანი დაბრკოლების გადალახვა შეძლო და საუკეთესო 8 გუნდში უკვე მოხვდა, დანარჩენს კი მომავალი გვიჩვენებს.“