კარლო ანჩელოტიმ „ლაიფციგთან“ დაპირისპირების წინ პრესკონფერენცია გამართა...

„გუნდთან სასაყვედურო არ მაქვს, სეზონის დასრულებამდე კიდევ 3 თვემდეა დარჩენილი და ბევრი რამ შეიძლება მოხდეს. ახლა კარგი გეზი გვაქვს აღებული და გვჯერა, რომ მომდევნო ეტაპზე გასვლას შევძლებთ. ჩვენთვის თითოეულ მატჩს დიდი მნიშვნელობა აქვს.“

„ფეხბურთელები ყველაფერს აკეთებენ გუნდის დასახმარებლად. ჩვენი წარმატების გასაღები შემართება და მონდომებაა. ყველა ფეხბურთელს დიდი ენთუზიაზმი და გუნდისთვის სარგებელის მოტანის სურვილი აქვს.“

„დიაბახის მომენტი ძალიან მძიმე იყო. „რეალის“ ყველა ფეხბურთელს „ვალენსიას“ ტრავმირებულ მოთამაშეს გამოჯანმრთელებას უსურვებს.“

„არსებობს ადამიანები და კომიტეტები, რომლებიც მსაჯების საქმეებს განიხილავენ, მოდით წარსულში განვითარებული მოვლენები მათ მივანდოთ.“

„რუდიგერი მოედანზე იქნება, რაც ძალიან მნიშვნელოვანია. გერმანულ გუნდს სწრაფი წინახაზელები ჰყავს, რომლებიც ძალიან მარტივად ამწვავებენ სიტუაციას, სწორედ ამიტომ, დაცვაში დიდი ყურადღება გვმართებს.“

„მსოფლიოს საუკეთესო გუნდის მწვრთნელი ვარ, რაც უდიდეს ბედნიერებას მანიჭებს, მაგრამ ამასთანავე ხშირად მიწევს ზეწოლის ატანა, ფსიქოლოგიური წნეხისქვეშ ცხოვრება და ასე შემდეგ. მე ვიცი როგორ უნდა მოვიქცე განსაკუთრებულ სიტუაციებში და მჯერა, რომ გუნდზე ემოციები ვერ იმოქმედებს. აქ ყველაფერია იმისთვის, რომ საუკეთესოები ვიყოთ.“

„ფრე არ იქნება დამაკმაყოფილებელი შედეგი. ჩვენ გავიმარჯვეთ გერმანიაში, მაგრამ იგივე უნდა გავაკეთოთ საშინაო არენაზეც. თუ ვერ მოვიგებთ, მე კმაყოფილი არ ვიქნები.“

„მომდევნო მატჩის მსაჯი? არ მსურს, არბიტრებზე საუბარი. ვიმედოვნებ, ის ღირსეულად გაართმევს თავს დაკისრებულ მოვალეობას.“

„კროოსი და მოდრიჩი? ადრე თუ გვიან ისინი „რეალს“ დატოვებენ, მაგრამ ჩვენ უნდა ვეცადოთ, რომ მათი პოტენციალი სრულფასოვნად ავითვისოთ. ნებისმიერ დროს მიღებულ გადაწყვეტილებას პატივს ვცემ, ისინი ლეგენდები არიან.“

„როდრიგოს ხან აკრიტიკებენ, ხანაც აქებენ. საქმე კი იმაშია, რომ ბრაზილიელი ფეხბურთელი გუნდისთვის ბევრ სასარგებლო საქმეს აკეთებს, არ აქვს მნიშვნელობა იტანს თუ არა გოლს.

„ნაჩო? მას „მესტალიაზე“ სასტარტოში თამაში არ შეეძლო, რადგან მცირე დისკომფორტი ჰქონდა, სწორედ ამიტომ ავირჩიე ჩუამენი-რუდიგერის დუეტი.“

„ვწუხვარ, რომ ბელინგემს წითელი ბარათი აქვს და ლა ლიგის მომდევნო ტურში ვერ დაგვეხმარება, ის გუნდისთვის ძალიან საჭირო ფიგურაა.“

„სასტარტო თერთმეტეულთან დაკავშირებით ჯერ ვერ ჩამოვყალიბდი და ფიქრი მმართებს. ვეცდები, საუკეთესო ფეხბურთელები გავიყვანო მწვანე მინდორზე.“