ესპანური და ფრანგული გამოცემები ერთხმად იუწყებიან, რომ კილიან მბაპეს ტრანსფერის გამოცხადება ჩემპიონთა ლიგაზეა დამოკიდებული.

თუ „პსჟ“ ევროსარბიელზე გამოეთიშება, კილიანის ტრანსფერი უფრო მალე გახდება ცნობილი. არსებული ინფორმაციით, პარიზში „რეალთან“ პოტენციურ შეხვედრასაც კი ელიან, მაგრამ ჩემპიონთა ლიგიდან ან ერთი ან მეორე გუნდის გამოთიშვა ამის შანსს აღარ ტოვებს.

ამასთან ერთად, თუ „რეალი“ დაემშვიდობება ტურნირს, მბაპეს წასვლა მაინც არ გამოცხადდება, ხოლო თუ პარიზელები დაასრულებენ ლიგაზე ასპარეზობას, მბაპეს ტრანსფერთან დაკავშირებით ოფიციალური განცხადება მალევე გაკეთდება.

არსებობს ოფიციალური განცხადების ტექსტი, რომლის ფორმულირებაც შეთანხმებულია, როგორც პარიზული გრანდის ხელმძღვანელობასთან, ასევე მბაპესთან.