Sky Sports-ის გერმანიის რედაქცია იუწყება, რომ ალფონსო დეივისი „ბაიერნს“ მეტი პასუხისმგებლობის აღებისკენ მოუწოდებს.

კანადელ ფეხბურთელს მადრიდის „რეალში“ თამაში გადაწყვეტილი აქვს და სურს, რომ „რეკორდმაისტერმა“ მისი სურვილი გაითვალისწინოს.

დეივისს სამეფო კლუბთან პირადი კონტრაქტი შეთანხმებული აქვს და ერთადერთ ბარიერს სწორედ მიუნხენური კლუბი წარმოადგენს.

სამეფო კლუბი მოლაპარაკებებისთვის მზად არის და 50 მილიონ ევროს იხდის, მაგრამ „ბაიერნის“ მოთხოვნა 70 მილიონია, რაც ფლორენტინო პერესს არარელევანტურად მიაჩნია, რადგან ფეხბურთელს 2025 წლის 30 ივნისს მოქმედი კონტრაქტი ეწურება.