მადრიდის „რეალის“ მიერ დაფიქსირებული 2:2-ის შემდეგ, „ჟირონამ“ და „ბარსელონამაც“ დაკარგეს ქულები და ლიდერთან სხვაობა ვერ შეამცირეს.

ერთადერთი გუნდი, რომელმაც ოთხეულიდან გამარჯვება შეძლო მადრიდის „ატლეტიკო“ გამოდგა, მაგრამ სიმეონეს გუნდის შანსი მაინც ძალიან მცირეა.

27-ე ტურის თავზე ანჩელოტის „ბლანკოსს“ 66 ქულა აქვს და 7 ქულით უსწრებს „ჟირონას“, ხოლო 8 ქულით კატალონიურ გრანდს.

ლა ლიგის დასრულებამდე 11 ტურია დარჩენილი, გასათამაშებელი კი 33 ქულაა, თუმცა რთულად წარმოსადგენია, რომ „მერენგებმა“ ამხელა უპირატესობა გაანიავონ.