23 წლის ასაკში ვინისიუს ჟუნიორს მადრიდის „რეალში“ დაუჯერებელი შედეგები აქვს.

ბრაზილიელმა ფეხბურთელმა მსოფლიოს საუკეთესო კლუბის ღირსება უკვე 250-ჯერ დაიცვა, რაც მის ასაკში ფაქტობრივად წარმოუდგენელი შედეგია.

ვინიმ 250 მატჩიდან 161-სი გამარჯვებას მიაღწია და საერთო ჯამში 74 გოლის გატანა შეძლო, მის ანგარიშზეა 10 მადრიდული ტიტული, მათ შორის ჩემპიონთა ლიგის თასი.

ვინისიუსმა 250-იდან 168 მატჩი ლა ლიგაში გამართა, 50 ჩემპიონთა ლიგაზე, 20 სამეფო თასზე, 8 ესპანეთის სუპერთასზე, 3 მსოფლიო საკლუბო ჩემპიონატზე და ერთი ევროპის სუპერთასზე.

ასევე აღსანიშნავია, რომ გატნაილი 74 გოლის გარდა, ვინის ანგარიშზე 71 საგოლე გადაცემაა.

„ვალენსიასთან“ დაპირისპირების შემდეგ სამხრეთ-ამერიკელმა პრეზიდენტი პერესისგან სამახსოვრო ჯილდო მიიღო.