რაულ გონსალეს ბლანკომ „რეალში“ მიმდინარე მოვლენები მიმოიხილა და ჯუდ ბელინგემზე ისაუბრა.

„ბელინგემი საოცარი ფეხბურთელია, მან უმოკლეს დროში შეძლო გულშემატკივრებთან ბრწყინვალე კავშირის დამყარება და დიდი ემოციური ბმა.“

„ჯუდი ახალგაზრდაა, მაგრამ აქვს სიმწიფე და საკუთარი თავის წარმოჩენის შესანიშნავი უნარი. მან იცის, როგორ გაიზიაროს ღირებულებები, რომელიც მადრიდის „რეალში“ არსებობს.“

„ბელინგემს აქვს ძალიან მკაფიო იდეები, თამაშის მანერა და რაც ყველაზე მთავარია, მეტოქეებს ეშინიათ მის წინააღმდეგ თამაში.“

„შრომისმოყვარეობისა და დიდი ძალისხმევის წყალობით, ინგლისელი ფეხბურთელი მსოფლიოს საუკეთესო გუნდის ლიდერის სტატუსს ფლობს. დარწმუნებული ვარ, ჯუდი წარმატებას მიაღწევს, როგორც საკლუბო, ასევე სანაკრებო დონეზე.“

„ფლორენტინო პერესმა მის პრეზენტაციაზე თქვა, რომ ჯუდი „რეალში“ სათამაშოდ დაიბადა, თამამად შემიძლია დავეთანხმო პერესს და მეც იგივე გავიმეორო.“

„პროექტი, რომელიც სამეფო კლუბში ხორციელდება მართლაც საოცარია, გუნდს აქვს ბალანსი და დიდი რესურსი, რომელიც კიდევ უფრო გაიზრდება.“

„ახალგაზრდა ფეხბურთელები უკვე დიდ გამოცდილებას ფლობენ, 2-3 წელიწადში კი „ბლანკოსს“ კიდევ უფრო ძლიერი გუნდი ეყოლება.“

„მე ხშირად ვუყურებ ჯუდის ვარჯიშს და თამაშს, ის საოცარია და „რეალში“ ოქროს ბურთს 3-ჯერ მაინც მოიგებს.“