ინსტიტუციონალური ურთიერთობების დანაყოფის დირექტორმა, ემილიო ბუტრაგენიომ „რეალისა“ და ანდალუსიელთა დაპირისპირება შეაფასა.

„ჩვენს მეტოქეს წარმოადგენდა გუნდი, რომელიც დაცვაში მყარია, კონტრ-შეტევაზე კი ძალიან სწრაფი და ტექნიკური ფეხბურთელები ჰყავს. ამოცანა რთული გახლდათ, მაგრამ „რეალმა“ აჩვენა მტკიცე ხასიათი და გამარჯვების ჟინი. გოლი გაცილებით ადრე უნდა გაგვეტანა, მაგრამ არ გვიმართლებდა. მთავარი ის არის, რომ ფეხბურთელები არ დანებდნენ და ბოლომდე იბრძოლებს. აქტივში საკმაოდ მნიშვნელოვანი 3 ქულის ჩაწერა შევძელით.“

„ბალანსი არ დაგვიკარგავს, მაგრამ მაქსიმალურად ვცდილობდით მწვავე შეტევების განხორციელებას. ეფექტურად ვითამაშეთ და შედეგიც სახეზეა.“

„ჩვენთვის დიდი პრივილეგიაა ლუკა მოდრიჩის გუნდში ყოფნა და მისი თამაშის ყურება. ხორვატი ნამდვილი ოსტატია, რომელიც შესანიშნავად თამაშობს ერთი შეხებით, ბრწყინვალედ ფლობს ბურთს და საოცარ დარტყმას ასრულებს. არ დაგვავიწყდეს, რომ ლუკიტა ოქროს ბურთის მფოლობელია, ის დიდ პატივისცემას იმსახურებს.“