ლუკა მოდრიჩმა „სევილიას“ დამარცხების შემდეგ კომენტარი გააკეთა...

„ურთულესი მატჩი იყო და მძიმე გზით ვიარეთ, თუმცა ასეთი მატჩების მოგება კიდევ უფრო დიდ სიამოვნებას გვანიჭებს. „სევილიამ“ მაქსიმუმი სცადა, მაგრამ საბოლოო ჯამში გამარჯვება ჩვენ გვხვდა წილად და აქტივში 3 მნიშვნელოვანი ქულა ჩავიწერეთ.“

„სერხიო რამოსი ბერნაბეუზე დაბრუნებით აღფრთოვანებული იყო, მე მას ვესაუბრე გუშინ, დღეს და ახლაც. ესპანელისთვის ეს ემოციები რა თქმა უნდა დაუვიწყარია. სერხიო ჩემი ძმა და მსოფლიო ფეხბურთის ლეგენდაა. მატჩის შემდეგ მას მაისური ვთხოვე, მაგრამ არ მომცა, რადგან ჩემზე გაბრაზებულია (იცინის), თუმცა საუბრის შემდეგ ის მაინც დავითანხმე.“

„ხშირად უნდა გარისკო და დაარტყა შორიდან. ვარჯიშებზე ბევრს ვმუშაობთ ამ კომპონენტზე. მიხარია, რომ გამიმართლა და გოლის გატანა შევძელი.“

„ლა ლიგაში 3 ქულის მოპოვება მნიშვნელოვანი იყო, რადგან მდევრები მაქსიმალურად ცდილობენ საუკეთესო შედეგების ჩვენებას. ჩვენმა შეუპოვრობამ და ბრძოლის ჟინმა გამარჯვება მოგვიტანა.“

„როდესაც „რეალის“ ფეხბურთელი ხარ, ვალდებულებას იღებ იბრძოლო ბოლომდე და არასდროს დანებდე.“