„მარკას“ ინფორმაციით, მადრიდის „რეალი“ ნაჩო ფერნანდესთან კონტრაქტის გაფორმების წინააღმდეგი არ არის.

ესპანელი ფეხბურთელი თავად გადაწყვეტს დარჩება კლუბში თუ მიიღებს სხვა გამოწვევას. მომდევნო სეზონში „რეალი“ გათვლას რუდიგერზე, მილიტაოსა და ალაბაზე გააკეთებს. პერესი ზაფხულში ასევე აპირებს ახალგაზრდა ლეინი იოროს დამატებას, რაც ნაჩეტეს შანსებს შეამცირებს.

თუ ნაჩო ახალ კონტრაქტს მოითხოვს, „ბლანკოსი“ მას 1 წლით გაუხანგრძლივებს და ამ პროცესში არანაირ პრობლემას არ წამოჭრის.

არსებული ცნობით, ესპანელი ფეხბურთელი სეზონის ბოლოს „ბლანკოსის“ ხელმძღვანელობას შეხვდება და პოზიციებს შეაჯერებს.