არდა გიულერის „რეალიდან“ იჯარის წესით წასვლა ფაქტობრივად გადაწყვეტილია. თურქი ფეხბურთელი სათამაშო დროს ითხოვს, რაც „ბლანკოსში“ არ ეძლევა, ასე რომ დროებით სხვა კლუბში წასვლა და გამოცდილების მიღება საუკეთესო გამოსავალი უნდა იყოს.

ნახევარმცველის მიმართ ინტერესს „ლას პალმასი“, „მალიორკა“ და „სოსიედადი“ იჩენენ. მადრიდული გრანდი მოისმენს სამივე წინადადებას და საუკეთესოს აარჩევს.

ამასთან ერთად ვრცელდება ინფორმაცია, რომლის მიხედვითაც, არდას იჯარით წაყვანით „მილანიც“ ინტერესდება, მაგრამ მადრიდში თვლიან, რომ გიულერს ესპანურ კლუბებში უფრო მეტი დრო მიეცემა, ვიდრე სერია A-ში, სწორედ ამიტომ ფავორიტებად ლა ლიგის კლუბები განიხილებიან.