სამეფო კლუბის ფეხბურთელები „სევილიასთან“ მატჩისთვის მზადებას განაგრძობენ...

გუნდმა დღეს კვირის მეორე ვარჯიში გამართა. შეკრებას დაესწრო ანტონიო რუდიგერიც, რომელმაც დატვირთვა მიიღო, მაგრამ ჯერ კიდევ უცნობია, შეძლებს თუ არა ანდალუსიური გუნდის წინააღმდეგ ასპარეზობას.

ხოსელუ მატომ კვლავ სატრენაჟორო დარბაზში ივარჯიშა, მას განცალკევებული პროგრამა აქვს.

დღევანდელ სესიაზე ფიზიკურ კონდიციებზე ზრუნვის შემდეგ გუნდმა დიდი ყურადღება დაუთმო მოკლე სივრცეში ზუსტ და კომბინაციურ თამაშს, ტაქტიკურ მონახაზებს, პრესინგს, კარში დარტყმების კომპონენტს და სტანდარტულებს.

ჯუდ ბელინგემის აღდგენითი პროცესი წარმატებით მიმდინარეობს, ის მალე ბურთთან ერთად დაიწყებს მზადებას.