ტაკეფუსა კუბო სეზონის ბოლოს „სოსიედადის“ რიგებს დატოვებს. იაპონელ ფეხბურთელს მსურველების რიგი უდგას, მადრიდის „რეალის“ კი სატრანსფერო თანხის 50%-ის მიღება შეუძლია, მაგრამ ესპანეთის დედაქალაქში მასთან დაკავშირებით აზრთა სხვადასხვაობაა...

„ბლანკოსის“ გენერალური დირექტორი მიიჩნევს, რომ ტაკეფუსა კიდევ უფრო მოუმატებს და მისი გაშვება სწორი გადაწყვეტილება არ იქნება, თუმცა მბაპესა და ენდრიკის მოსვლის შემდეგ „რეალის“ წინა ხაზი გადაივსება.

არსებობს მოსაზრება, რომლის მიხედვითაც, „ბლანკოსი“ არჩევანს ტაკეფუსასა და ბრაჰიმ დიასს შორის გააკეთებს, თუმცა ფაქტია, ამ უკანასკნელმა „მერენგების“ რიგებში დაამტკიცა, რომ გუნდში ადგილს იმსახურებს.

თუ ტაკეს „ლივერპული“ იყიდის, მოთამაშის საფასურის 50%-ს „რეალი“ მიიღებს, მაგრამ შემდეგ ფეხბურთელის სატრანსფერო უფლებებზე არანაირი წვდომა აღარ ექნება.

მადრიდში ტაკეფუსაზე სერიოზულ მსჯელობას აპირებენ, რის შემდეგაც საბოლოო გადაწყვეტილება იქნება მიღებული.