კეპლერ პეპემ ჩემპიონთა ლიგაზე ახალი ისტორია დაწერა. მადრიდის „რეალის“ ექს ფეხბურთელმა „პორტოს“ რიგებში ჩემპიონთა ლიგის 1/8 ფინალში ითამაშა.

პორტუგალიელმა ჩემპიონთა ლიგის 1/8 ფინალში 40 წლისა და 360 დღის ასაკში იასპარეზა, მსგავსი შედეგი კი აღნიშნული ტურნირის ისტორიას არ ახსოვს.

პეპე 26 თებერვალს 41 წლის ხდება, თუმცა მაინც მოწოდების სიმაღლეზე დგას.

კეპლერის მადრიდული კარიერა მადრიდისტებისთვის დაუვიწყარია, მან სამეფო კლუბთან ერთად არაერთი ტიტულის მოგება შეძლო და ისტორიაში ერთ-ერთი საუკეთესო მცველის სტატუსს ფლობს.