კარლო ანჩელოტის 22 თებერვლის გეგმა ჩამოყალიბებული აქვს.

გუნდი დღეს კიდევ ერთხელ შეიკრიბება საწვრთნელ ბაზაზე და მორიგ ვარჯიშს გამართავს. „სევილიასთან“ დაპირისპირებისთვის მზადება ინტენსიურ ხასიათს მიიღებს.

აღსანიშნავია, რომ დღეს საწვრთნელ ბაზაზე უნდა გამოცხადდეს ანტონიო რუდიგერიც, რომელიც გუნდთან ერთად ვარჯიშს აპირებს. ეს იქნება ერთგვარი ტესტი და შეგრძნებების მონიტორინგი. თუ რუდიგერს კვლავ დისკომფორტი ექნება, მისი „სევილიასთან“ თამაში სავარაუდოდ გამოირიცხება.

ესპანური პრესა ასევე ყურადღებით აკვირდება ხოსელუ მატოს მდგომარეობას, რომელიც გუშინდელ სესიაზე სატრენაჟორო დარბაზში დარჩა.