არდა გიულერის მიმართ ინტერესი რამდენიმე გუნდს აქვს, მადრიდის „რეალმა“ კი მოლაპარაკებებისთვის კარი გახსნა...

თურქ ფეხბურთელს სათამაშო დრო არ ეძლევა, რაც მის განსაკუთრებულ უკმაყოფილებას იწვევს. არდა ოპტიმალური ფორმისგან ძალიან შორს არის, რაც პირველ რიგში მუდმივად სათადარიგო სკამზე ჯდომის ბრალია.

„ას“-ის ინფორმაციით, „რეალი“ განიხილავს იტალიის ჩემპიონატიდან მომდინარე წინადადებს და ასევე თავად სურს, შესთავაზოს არდას სამსახური ლა ლიგის რამდენიმე კლუბს.

ანჩელოტის აზრით, თურქისთვის საუკეთესო გამოსავალი ლა ლიგაში დარჩენა და სათამაშო პრაქტიკის მიღებაა.

ფაქტია, რომ ნახევარმცველს მეტი სათამაშო დრო სჭირდება და ამისთვის ნაბიჯები ორივე მხარემ უნდა გადადგას.