„ვალენსია“ მზად არის, მადრიდის „რეალის“ ახალგაზრდული გუნდის წევრის, ვინისიუს ტობიასის კანდიდატურა სერიოზულად განიხილოს...

„ღამურების“ სპორტული დირექტორი ტრანსფერზე მუშაობას სერიოზულად გეგმავს. ტობიასი ჯერ კიდევ არ არის „რეალის“ საკუთრება, რადგან მისი სატრანსფერო უფლებების ნაწილს „შახტარი“ ფლობს, თუმცა შესაძლოა სიტუაცია შეიცვალოს.

თუ „რეალი“ ბრაზილიელს გამოისყიდის, „ვალენსია“ მზად არის, ვინისიუს ტობიასთან 2 წლიანი იჯარის წესით ითანამშრომლოს.

არსებობს მეორე ვარიანტიც, „ვალენსია“ განაპირა მცველს იყიდის, მაგრამ მომდევნო 2 წლის განმავლობაში სატრანსფერო უფლებების 50%-ს ფლორენტინო პერესი დაიტოვებს და სურვილის შემთხვევაში, გარკვეული თანხის სანაცვლოდ ფეხბურთელს უკან დაიბრუნებს.