მადრიდული გამოცემების ცნობით, მადრიდის „რეალის“ პრეზიდენტი, ფლორენტინო პერესი საწვრთნელ ბაზაზე „ბლანკოსის“ ფეხბურთელებს შეხვდა და კილიან მბაპეს შესახებ აცნობა...

ბუნებრივია, შეხვედრამ გასაიდუმლოებულ ვითარებაში ჩაიარა. პერესს არ სურს ზედმეტი ჭორები და დამატებითი პრობლემების წამოჭრა.

პრეზიდენტმა ანჩელოტის შეგირდებს ღიად დაუდასტურა, რომ 2024/25 წლების სეზონის სტარტზე ფრანგი ფეხბურთელი „მერენგების“ ღირსებას დაიცავს.

ევროპის ჩემპიონატის დასრულების შემდეგ მბაპე ხანგრძლივ შვებულებაში გავა, „რეალთან“ ერთად ვარჯიშს კი სავარაუდოდ ივლისის ბოლოდან შეუდგება, ეს ყველაფერი იმაზე იქნება დამოკიდებული, თუ რამდენად შორს გავა დიდიე დეშამის ნაკრები ჩემპიონატზე.