ფლორენტინო პერესმა ლენი იოროს ტრანსფერი ხუნი კალაფატს მიანდო...

ფრანგული გამოცემების ცნობით, პერესის ნდობით აღჭურვილი პირი ახალგაზრდა მცველის ოჯახს შეხვდება და იმ პროექტს წარუდგენს, რომელიც სამეფო კლუბს აქვს შემუშავებული.

ლენი „ლილში“ ასპარეზობს და მოქმედი კონტრაქტი 2025 წელს ეწურება, სამეფო კლუბის მიზანი კი ახალგაზრდა უკანახახაზელის 2024 წლის ზაფხულში დამატებაა.

მადრიდში მიიჩნევენ, რომ იორო ბევრი ასპექტით ჰგავს რაფაელ ვარანს, ამ უკანასკნელმა კი სამეფო კლუბის რიგებში წლების მანძილზე ითამაშა სტაბილურად და რომ არ „მანჩესტერში გაქცევა“ ახლაც საჭირო მოთამაშე იქნებოდა „მერენგებისთვის“.

„ლილი“ ფეხბურთელის სანაცვლოდ 50 მილიონს ითხოვს, პერესი კი თვლის, რომ მოთამაშის დამატება 30 მილიონადაც უნდა იყოს შესაძლებელი, რადგან მას მოქმედი კონტრაქტი წელიწადნახევარში ეწურება.