ფაბიო კაპელოს აზრით, მადრიდის „რეალი“ ესპანეთში რამდენიმე წლით გამეფდება...

„კილიან მბაპეს ტრანსფერის შემდეგ, მადრიდის „რეალი“ ესპანურ გუნდებზე 2 ნაბიჯით წინ იდგება, ეს შეეხება, როგორც კატალონიის „ბარსელონას“, ასევე მადრიდის „ატლეტიკოს“, ვინაიდან ანჩელოტის განკარგულებაში მსოფლიოს საუკეთესო წინა ხაზი იქნება ვინისიუსის, მბაპეს და როდრიგოს სახით, რომელსაც ძალიან დიდ დახმარებას გაუწევს ჯუდ ბელინგემი.“

„კატალონიურ გრანდს ფინანსურმა კრიზისმა დიდი დაღი დაასვა. „ბარსელონა“ გამოსავალს აუცილებლად იპოვის, მაგრამ ამას დრო დასჭირდება, იქამდე კი „რეალის“ ჰეგემონიას და გამეფებას უნდა ველოდოთ.“

„21-ე საუკუნეში „რეალს“ ლა ლიგაში მიმზიდველი შედეგები არ აქვს და ვფიქრობ, რომ მომდევნო წლებში ეს სტატისტიკა მნიშვნელოვნად გაუმჯობესდება.“

„ანჩელოტიმ იცის ვარსკვლავების მართვა, კარლომ იცის ვარსკვლავების აღმოჩენა. პერესმა სწორი გადაწყვეტილება მიიღო, ახალი კონტრაქტის ფარგლებში იტალიელი სპეციალისტი უდიდეს სამსახურს გაწევს და „ბლანკოსს“ სხვა სიმაღლეზე მიიყვანს.“