ფრანგული გამოცემების ცნობით, მადრიდის „რეალი“ „ლილზე“ ზეწოლას აძლიერებს.

ლენი იორო ფლორენტინო პერესის სიმპატიებით სარგებლობს. „ბლანკოსის“ პრეზიდენტი მიიჩნევს, რომ ახალგაზრდა მცველი აუცილებლად უნდა დაიმატოს, რადგან მას დიდი პერსპექტივა აქვს.

„ლილი“ იოროს სანაცვლოდ 50 მილიონს ითხოვს, მაგრამ მადრიდში ხვდებიან, რომ ფეხბურთელს 2025 წელს მოქმედი კონტრაქტი ეწურება, შესაბამისად, 2024 წელს მოთამაშის დამატება გაცილებით დაბალ ფასად უნდა გახდეს შესაძლებელი.

ლენი „ბლანკოსში“ თამაშის პერსპექტივით რა თქმა უნდა, მოხიბლულია და „ლილთან“ ახალ კონტრაქტს არ დათანხმდება.