„ლაიფციგის“ მთავარმა მწვრთნელმა „რეალთან“ დაპირისპირების წინ პრესკონფერენცია გამართა...

„ჯუდ ბელინგემს კარგად ვიცნობ და არ მჯერა, რომ ის არ ითამაშებს. დარწმუნებული ვარ, მოედანზე ტრავმიანიც გავა. ის სუპერ პროფესიონალია, რომელიც კარგ გუნდში მოხვდა, ანჩელოტიმ კი იპოვა იდეალური ფორმულა, რომლითაც ინგლისელ ფეხბურთელს სრულად გახსნის საშუალება მისცა.“

„ჩვენ ვეცდებით „რეალის“ ყველა ფეხბურთელზე ვკონცენტრირდეთ და კარლოს გუნდს შესაძლებლობების გამოვლენის საშუალება არ მივცეთ. ამოცანა რთულია, თუმცა არა შეუსრულებელი. მადრიდული გრანდი ჩემპიონთა ლიგაზე ყოველთვის განსხვავებულ ფეხბურთს თამაშობს.“

„ვინისიუსი ძალიან სახიფათოა, როგორც საჯარიმოს გარეთ, ასევე საჯარიმოს შიგნით. არასდროს იცი, რას გააკეთებს ბრაზილიელი კონკრეტულ მომენტში. როდესაც ფიქრობ, რომ მეტოქის მოტყუებაზე წავა, ამ დროს კარში ურტყამს და მეკარესაც უჭირს რეაგირება.“

„პრესინგი ძალიან კარგია, მაგრამ დაცვის მაღალ ხაზზე აწევა „რეალთან“ შესაძლოა დამღუპველიც იყოს, ვინაიდან სწრაფი ფეხბურთელების ხარჯზე ეგ გუნდი ძალიან სწრაფად გადადის შეტევაში.“

„როდრიგო, ხოსელუ, ბრაჰიმ დიასი, არ ვიცი რამდენი ფეხბურთელი ჩამოვთვალო, ვინც შეტევას ძალიან ამწვავებს.“

„მადრიდის „ატლეტიკომ“ „რეალთან“ ამ სეზონში შესანიშნავი შედეგები დააფიქსირა, მაგრამ ვერ ვიტყვი, რომ ამ გუნდისგან მაგალითის აღებას ვაპირებთ. ბევრი რამის გაანალიზება შეიძლება, მაგრამ ჩვენ სხვა სტილის გუნდი ვართ და ჩვენი ფორმულით უნდა შევძლოთ „ბლანკოსის“ ბარიერის დაძლევა. „როხიბლანკო“ შესანიშნავი იყო, როგორც სექტემბერში, ასევე სამეფო თასზე, მაგრამ მადრიდული დერბი სულ სხვაა.“

„დანი ოლმო „რეალის“ ფეხბურთელებს კარგად იცნობს, მინდა ვთქვა, რომ მასზე დიდი გათვლას ვაკეთებ. ის ყოველთვის ეხმარება ჩვენს გუნდს და შეტევას უფრო მრავალფეროვანს ხდის.“