The Athletic-ის და ასევე რამდენიმე ფრანგული გამოცემის ცნობით, კილიან მბაპეს მადრიდის „რეალში“ ტრანსფერი შესაძლოა ჩავარდეს და ეს გახდეს საბოლოო წერტილი.

ფლორენტინო პერესი თვლის, რომ ყველაფერი იღონა ფრანგის დასამატებლად, დანარჩენი კი თავად ფეხბურთელზეა დამოკიდებული. მიუხედავად არაერთი სპეკულაციიისა, მადრიდული გრანდი წინადადებას არ ცვლის, თუ მბაპეს ბერნაბეუზე თამაში სურს, ხელფასის მნიშვნელოვან შემცირებას უნდა დათანხმდეს, სატრანსფერო ბონუსთან დაკავშირებით კი მხარეებს შორის შეთანხმება არსებობს.

პერესი და მისი წარმომადგენლობა ისეთი მტკიცეა, როგორც არასდროს. საქმე იქამდეა მიყვანილი, რომ შესაძლოა ნებისმიერი რამ საათებში შეიცვალოს.

თუ მბაპე „ბლანკოსის“ სახელფასო შეთავაზებას დათანხმდება, ოფიციალურ დასტურს პარიზიდან წასვლის შესახებ ვეღარაფერი შეუშლის ხელს, სხვა შემთხვევაში კი მოლაპარაკებები დაიხურება და „რეალი“ ფრანგისკენ აღარასდროს გაიხედავს.