კარლო ანჩელოტიმ „ლაიფციგთან“ დაპირისპირების წინ პრესკონფერენცია გამართა.

„გუნდი ძალიან მოტივირებულია. ჩვენ ჩემპიონთა ლიგის 1/8 ფინალის დაპირისპირება უნდა გავმართოთ, სწორედ ამიტომ, რა თქმა უნდა, დიდი ყურადღებით ვითამაშებთ.“

„ვინისიუსი საოცარი ფეხბურთელია, თუ ის „ლაიფციგთანაც“ ისე ითამაშებს, როგორც „ჟირონასთან“, ნამდვილად შექმნის განსხვებებს და გუნდს წარმატების მიღწევაში დაეხმარება.“

„კროოსის კლასი არასდროს იცვლება, ის ტოპ ვარსკვლავია და ახალგაზრდებსაც დიდ გამოცდილებას უზიარებს.“

„„რეალისთვის“ ჩემპიონთა ლიგა ყოველთვის ძალიან მნიშვნელოვანი იყო. ათწლეულებია ამ ტურნირზე ვარ, მაგრამ ჩემი მოტივაცია არ მცირდება, რადგან ვიცი, რომელი გუნდის მწვრთნელის პოსტს ვიკავებ.“

„სამწუხაროა, რომ ჯუდ ბელინგემმა ტრავმა მიიღო და ჩვენს დახმარებას ვერ შეძლებს, იგივეს თქმა შემიძლია ანტონიო რუდიგერზეც. ორივე დიდი ძალაა.“

„ჩვენ გვყავს ბრაჰიმ დიასი და ხოსელუ, სწორედ ამიტომ, შეტევითი პოტენციალი გუნდს ნამდვილად ექნება.“

„ჯერ-ჯერობით არ მომიფიქრებია, კეპას გამოვიყენებ თუ ლუნინს. ორივე კარის დარაჯი მზადყოფნაში უნდა იყოს. გადაწყვეტილებას ხვალ მივიღებ.“

„უკვე 6 თვე გავიდა მას შემდეგ, რაც სეზონი დაიწყო, ჩვენ კი წაგებების მინიმალური რაოდენობა გვაქვს. ნამდვილად არ ვიცი, არის თუ არა ეს ჩემი საუკეთესო სეზონი, თუმცა ერთ-ერთი გამორჩეული ნამდვილად გახლავთ, რისთვისაც მადლობას ვუხდი „რეალის“ ყველა ფეხბურთელს და სამწვრთნელო შტაბს. ყველა სერიოზულად აღიქვამს ვალდებულებას, რომელიც „ბლანკოსში“ გვაქვს.“

„ამ გუნდში საოცარი ატმოსფეროა, რაც ხშირ შემთხვევაში არის წარმატების გასაღები, ფეხბურთელები ერთმანეთს პატივს სცემენ.“

„ვინისიუსი 90 წუთის მანძილზე ცდილობს დრიბლინგს, ძალიან ბევრს დარბის, ერთ-ერთზე სიტუაციას ამწვავებს და გოლებს იტანს. სამხრეთ-ამერიკელს ყველაფერი აქვს იმისთვის, რომ ძალიან დიდი მწვერვალები დაიპყროს, ის ჯერ კიდევ ძალიან ახალგაზრდაა.“

„კროოსს უყვარს ფეხბურთი, მისი მოტივაცია ფული არასდროს ყოფილა. ტონის ნებისმიერ გადაწყვეტილებას პატივს ვცემ და ასევე ვიზიარებ მოსაზრებას, რომლის მიხედვითაც, გერმანელმა კარიერა კარგ ფორმაში უნდა დაასრულოს. თუ ჩვენი ლეგენდა „რეალიდან“ წავა, მე მას წარმატებებს ვუსურვებ ახალ ასპარეზზე““

„კროოსი ევროპის ჩემპიონატზე? არ ვიცი, რა გადაწყვეტილებას მიიღებს „რეალის“ ვარსკვლავი. რა თქმა უნდა, Euro 2024 ძალიან მიმზიდველი ტურნირი იქნება.“

„დაცვაში ცვლიბები ისევ იქნება, რადგან ჩვენ ტრავმირებული უკანახაზელები გვყავს. მიხარია, რომ ნაჩო დაბრუნდა.“

„თაობათა ცვლა აბსოლუტურად ნორმალური პროცესია, ლეგენდები ეტაპობრივად გვემშვიდობებიან და ესტაფეტას ახალგაზრდა ფეხბურთელებს უთმობენ. მადრიდის „რეალში“ დიდი პროფესიონალები თამაშობენ და მნიშვნელოვანია, რომ მომავალი საიმედო ხელშია.“