ედუარდო კამავინგამ „რეალის“ ოფიციალურ ვებ-გვერდს საინტერესო ინტერვიუ მისცა.

„როდესაც მივხვდი, რომ მადრიდის „რეალის“ ფეხბურთელი ვარ, გავაცნობიერე, რამხელა პატივი მხვდა წილად, თუმცა ეს დიდი პასუხისმგებლობა და ზეწოლაც გახლავთ. „ბლანკოსი“ დიდი ბედნიერებაა, ძალიან მიხარია, რომ აქ მოვხვდი.“

„არაერთ ტოპ ვარსკვლავს არ მისცემია შანსი და საშუალება, რომ ბერნაბეუზე ეთამაშა. მე პრივილეგირებული ადამიანი ვარ.“

„ჩემპიონთა ლიგა „რეალის“ ტურნირია, რასაც 14 მოგებული თასიც მოწმობს. მე უკვე შევძელი ჩემპიონთა ლიგის მოგება, ეს იყო გიჟური სეზონი, არასდროს დამავიწყდება „პსჟ“-სთან“, „ჩელსისთან“, „სიტისთან“ და „ლივერპულთან“ ჩატარებული დაპირისპირებები. ყველა შემთხვევაში ურთულესი ბარიერები გადავლახეთ.“

„მისაბაძი ფეხბურთელები? ვფიქრობ, ზიდანი ყველასთვის მისაბაძია.“

„მე ძალიან პატარა ვიყავი, როდესაც ზიდანი ბრწყინავდა, შესაბამისად, ბევრი რამ კარგად არ მახსოვს, მაგრამ Youtube-ზე უამრავი ისტორიული მომენტი მაქვს ნანახი, მამა კი ნამდვილი მემატიანეა, რომელმაც ბრწყინვალედ იცის ზინედინის კარიერა.“