ესპანური გამოცემების ცნობით, კარლო ანჩელოტის ჩემპიონთა ლიგის 1/8 ფინალის პირველი დაპირისპირებისთვის შემადგენლობა შერჩეული ჰყავს.

იტალიელი კარის უსაფრთხოებაზე ზრუნვას კვლავ ანდრეი ლუნინს დაავალებს.

დაცვის მარჯვენა ფლანგს დაუბრუნდება დანიელ კარვახალი, ცენტრში კი ორელიან ჩუამენისა და ნაჩო ფერნანდესის დუეტს ვიხილავთ, მარცხენა ფლანგს კვლავ ფერლან მენდი ჩაიბარებს.

ნახევარდაცვაში ანჩელოტი ედუარდო კამავინგას, ტონი კროოსისა, ფედერიკო ვალვერდეს და ბრაჰიმ დიასის გამოყენებას აპირებს, ეს უკანასკნელი კი ასევე წინა ხაზსაც დაეხმარება, რომელსაც როდრიგო გოეში და ვინისიუსი დააკომპლექტებენ.