როდრიგო გოეშმა „ჟირონასთან“ მატჩის შემდეგ კომენტარი გააკეთა, სადაც ისტორიაში პირველად, კილიან მბაპეს ტრანსფერზე სერიოზულად ისაუბრა...

„როდესაც გუნდი კონცენტრირებულია, ყველაფერი კარგად არის. ჩვენ ლა ლიგის ერთ-ერთი საუკეთესო გუნდის წინააღმდეგ ბრწყინვალე შთაბეჭდილება დავტოვეთ და 4 გოლის გატანა შევძელით.“

„4-0 გამარჯვება რა თქმა უნდა, კარგია თავდაჯერებულობის მოპოვებისა და მომდევნო მატჩებში უფრო მეტი ფსიქოლოგიური მუხტისთვის.“

„ჩემი გოლი? მივხვდი, რომ ძალიან დიდი სივრცე მქონდა, სწორედ ამიტომ სისწრაფე განვავითარე, საბოლოო ჯამში კი ეფექტური გოლის გატანა შევძელი.“

„ვფიქრობ, კარგ ფორმაში ვარ, მაგრამ მომატება შემიძლია. ბევრს ვიმუშავებ იმისთვის, რომ სეზონის გადამწყვეტ მომენტს საუკეთესო კონდიციაში შევხვდე.“

„ის, რომ კარის მშრალად შენახვა შევძელით, გუნდური ძალისხმევის შედეგია. დიახ, დაცვის ცენტრში პრობლემები გვაქვს, მაგრამ ამ საღამოს ეს არ დაგვტყობია.“

„გულშემატკივართა მხარდაჭერას ყოველთვის დიდი მნიშვნელობა აქვს. დიდი მადლობა თითოეულ მადრიდისტას. „რეალის“ ყველა ფეხბურთელი გრძნობს მუხტს და სიყვარულს, რომელიც ტრიბუნებიდან მოდის.“

„მბაპე? თუ ის „რეალში“ გადმოვა, კიდევ უფრო დაგვეხმარება ტიტულების მოგებაში, ის ექსტრაკლასის ფეხბურთელია.“

„უნდა ვაღიარო, რომ კილიანის ტრანსფერის შემთხვევაში, შეტევაში კონკურენცია ძალიან გაიზრდება, მაგრამ მე მომწონს ეს ფაქტი. ახლა ფრანგზე ბევრს ვერ ვილაპარაკებ.“