ორელიან ჩუამენიმ „ჟირონას“ თავდასხმის სრული განეიტრალება შეძლო. ფრანგი ფეხბურთელის მეტოქეს წარმოადგენდნენ ფეხბურთელები, რომლებიც ლა ლიგაში ყველაზე მეტი (52) გოლის გატანით იწონებდნენ თავს, მაგრამ ბერნაბეუზე არაფერი გამოუვიდათ...

ჩუამენიმ უშეცდომით ითამაშა, მოიგო ყველა ორთაბრძოლა, ჩაჭრა არაერთი საკვანძო პასი და მაქსიმალური სიმშვიდით გამოირჩეოდა „ჟირონას“ შეტევების დროს.

ორელიანი დანიელ კარვახალთან ერთად ბრწყინვალედ ასპარეზობდა და ანჩელოტის გუნდს საერთოდ არ შეეტყო, რომ დაცვაში კატასტროფული პრობლემები ჰქონდა.

ჩუამენი დაცვის ცენტრში „ლაიფციგის“ წინააღმდეგ დაპირისპირებაშიც გამოჩნდება, რადგან კარლიტოს სხვა შანსი არ აქვს.