„მარკას“ ცნობით, მადრიდის „რეალს“ ამ სეზონში დაცვის ძალიან არასტაბილური ხაზი ჰყავს. მიუხედავად იმისა, რომ გუნდი არც ისე ბევრ გოლს უშვებს, უკანა ხაზში ცვლილებები ხშირად ხდება.

კარვახალი, რუდიგერი, ნაჩო, მენდის კვარტეტი ანჩელოტიმ ყველაზე მეტჯერ - 5 შემთხვევაში გამოიყენა.

კარვახალი, რუდიგერი, ალაბა, ფრან გარსიას კვარტელი ასევე 5-ჯერ არის გამოყენებული.

ლუკას ვასკესი, რუდიგერი, ალაბა მენდის ოთხეული მოედანზე 4-ჯერ ვიხილეთ.

2-2-ჯერ იქნა გამოყენებული კარვახალი, რუდიგერი, ალაბა, კამავინგას, ასევე ვასკესი, რუდიგერი, ალაბა, მენდის ოთხეული.

თითო-თითოჯერ კი არაერთი ოთხეულია გამოყენებული, მათ შორის ვასკესი, კარვახალი, ნაჩო, მენდის ოთხეული, ასევე ძალიან ექსპერიმენტული დაცვა ვინისიუს ტობიასის, კარილიოს, ნაჩოს და ფრან გარსიას შემადგენლობით.

საერთო ჯამში ანჩელოტიმ ყველა ტურნირზე 18 სხვადასხვა მოდიფიკაცია მოსინჯა, რაც პირველ რიგში იმ საშინელი ტრავმიანობის ბრალია, რომელიც გუნდის უკანა ხაზში არსებობს.