„ჟირონას“ მთავარმა მწვრთნელმა „რეალთან“ მატჩის წინ პრესკონფერენცია გამართა...

„ჩვენ ვიცით, რამდენად რთულია სანტიაგო ბერნაბეუზე თამაში, მითუმეტეს მაშინ, როდესაც „რეალის“ კონკურენტები ვართ. ამ გუნდთან მისსავე მოედანზე თამაში ურთულესი გამოწვევა იქნება. თუ გავიმარჯვებთ, უდიდეს მუხტს მივიღებთ, მაგრამ შესაძლოა ეს არ იყოს საჩემპიონო მუხტი, ვინაიდან ესპანეთის შიდა ჩემპიონატზე წარმატების მისაღწევად მინიმუმ 90 ქულაა საჭირო, ამ მაჩვენებლის დაფიქსირება კი მეტისმეტად რთულად მეჩვენება.“

„„ბარსელონას“ და „რეალს“ შეუძლიათ ყველა მატჩის მოგება, იგივეს თქმა შემიძლია „ატლეტიკოზე“, მაგრამ ჩვენ ეს გაგვიჭირდება, რაც ლოგიკურიც გახლავთ.“

„ჩემი გუნდი სეზონს უმაღლეს დონეზე ატარებს და არაერთი მნიშვნელობა მატჩის მოგება შეძლო. გვჯერა, რომ „ბლანკოსთან“ წარმატების მიღწევა შეგვიძლია, თუმცა ვაცნობიერებთ სირთულეს, რომლის დაძლევაც მოგვიწევს.“

„ჩემპიონთა ლიგის ოთხეულში მოხვედრა ნამდვილად დიდი მიღწევა იქნება, რაც „ჟირონას“ ყველა გულშემატკივარს დააკმაყოფილებს.“

„სამეფო კლუბში არაერთი ტოპ ვარსკვლავი თამაშობს, გამოყოფა ნამდვილად გამიჭირდება. ჩვენ ვეთამაშებით გუნდს და არა ინდივიდებს, სწორედ ამიტომ, გუნდური სულისკვეთება უნდა გავიზიაროთ.“