ესპანური გამოცემების ცნობით, კარლო ანჩელოტიმ „რეალის“ ხელმძღვანელობას მიმართა...

იტალიელი სპეციალისტი გუნდში რაფა მარინის დაბრუნებას ითხოვს, რომელმაც გუნდის იჯარის წესით დატოვების შემდეგ ყველას დაუმტკიცა, რომ ძალიან მაღალი დონის მცველია.

მარინი ამ ეტაპზე „ალავესში“ თამაშობს და გუნდის დაცვის შეუცვლელ წევრად ითვლება, 30 ივნისს კი საიჯარო ხელშეკრულება ეწურება.

ანჩელოტი მიიჩნევს, რომ მარინს ყველაფერი აქვს სამეფო კლუბში თავის დასამკვიდრებლად, სწორედ ამიტომ ის გუნდში უნდა დაბრუნდეს.

თავად ფეხბურთელის პოზიცია უცნობია, თუმცა ის აცნობიერებს, რომ კონკურენტების სახით მილიტაო, ალაბა, რუდიგერი და ნაჩო ფერნანდესი ჰყავს.