იტალიური LA Gazzetta Dello Sport-ის ინფორმაციით, ტურინის „იუვენტუსმა“, ტონი კროოსს შეთავაზებით მიმართა.

მიუხედავად იმისა, რომ გერმანელი ფეხბურთელი კარიერის მალე დასრულებას აპირებს, „ბებერი ქალბატონის“ ხელმძღვანელობამ მაინც სცადა კავშირზე გასვლა.

„იუვენტუსი“ კროოსს 2 წლიან ხელშეკრულებას სთავაზობს, მაგრამ არსებული ცნობით, ნახევარმცველმა ტურინელებს დიპლომატიური უარი უკვე უთხრა.

თუ კროოსი სეზონის ბოლოს კარიერას არ დაასრულებს, ის ისევ „რეალში“ დარჩება და ბერნაბეუზე ითამაშებს, სხვა წინადადებები ტონისთვის საინტერესო არ არის.