გასულ ოთხშაბათსა და ხუთშაბათს შვეიცარიის ქალაქ ნიონში ევროპის საუკეთესო მწვრთნელები შეიკრიბნენ.

ფორუმზე მწვრთნელებმა განიხილეს გზები თუ როგორ შეიძლება გაუმჯობესდეს ფეხბურთის წესები. განხილულ იქნა ისეთი თემები, როგორიცაა მაგალითად გასვლით შეხვედრაში გატანილი გოლის ორმაგი მნიშვნელობა, ასევე ფეხბურთში თანამედროვე ტექნოლოგიების ჩართვის საკითხი, რათა მომავალში თავიდან იქნას აცილებული მსაჯების მიერ დაშვებული
შეცდომები, თუმცაღა ამ უკანასკნელზე რა გადაწყვეტილება მიიღეს უცნობია.

ფორუმის დასასრულს მადრიდის რეალის მწვრთნელი პირადად ესაუბრა მიშელ პლატინის და პეპ გუარდიოლას, რომელიც რაც არ უნდა გასაკვირი იყოს, აღმოჩნდა აღნიშნულ ფორუმზე.

სხვა მწვრთნელებიდან ფორუმზე მიწვეულნი იყვნენ ალექს ფერგიუსონი (მანჩესტერი), არსენ ვენგერი (არსენალი), როი ჰოდჯონსი (ლივერპული), კლოდ პუელი (ლიონი), დიდიე დეშამი (მარსელი) და სხვები.




ინფორმაციის წყარო: Realmadrid.com