კარლო ანჩელოტი ძალიან მძიმე მდგომარეობაშია. დაცვის ხაზში იტალიელ სპეციალისტს ფეხბურთელი აღარ დარჩა.

ნაჩო ფერნანდესს კუნთების გადატვირთვა დაუდგინდა და ვარჯიშს ვერ ახერხებს, ანტონიო რუდიგერის აღდგენითი პროცესი კი არც ისე სწრაფად მიმდინარეობს, როგორც მოსალოდნელი იყო.

გამოდის, რომ გუნდში ცენტრალური მცველი აღარ არის, „ჟირონასთან“ მატჩი კი კართანაა მომდგარი.

მადრიდული გამოცემების ცნობით, ანჩელოტი ლა ლიგის მომდევნო ტურში დაცვის ცენტრის დაკომპლექტებას დანიელ კარვახალისა და ორელიან ჩუამენის დუეტით აპირებს.

ამ ფეხბურთელებს დაცვის ცენტრში ერთად რა თქმა უნდა, არასდროს უთამაშიათ, ვინაიდან ეს მარჯვენა მცველია, ხოლო მეორე ნახევარმცველი.