„რეალმა“ აღდგენითი ვარჯიში გამართა
დასვენების დრო არ არის. კარლო ანჩელოტიმ გუნდი საწვრთნელ ბაზაზე დაიბარა და აღდგენითი ვარჯიში გამართა.
მადრიდულ დერბიში სასტარტო შემადგენლობაში მყოფი ფეხბურთელები დღეს აღდგენითი პროცესით დაკავდნენ, დანარჩენებმა კი სრულფასოვანი დატვირთვა მიიღეს.
სესიაში მონაწილეობა მიიღო ედუარდო კამავინგამაც, რომელმაც გუშინ მოედანი ტკივილის ფონზე დატოვა.
დღეს არ უვარჯიშიათ ანტონიო რუდიგერს და ვინისიუს ჟუნიორს, ორივე მოთამაშე აღდგენითი პროცესით არის დაკავებული.
ვარჯიშზე რამდენიმე კასტილიელიც გამოცხადდა, რომელმაც კარლო ანჩელოტის მითითებები შეასრულეს.
დღევანდელ შეკრებაზე დიდი ყურადღება დაეთმო ფიზიკურ კონდიციებს, კარში დარტყმების კომპონენტს, პრესინგს, მოკლე სივრცეში ზუსტ თამაშს და სტანდარტულებს.
- 5 თებერვალი 2024
- 522
- 6