კარლო ანჩელოტისთვის „ხეტაფესთან“ მოგებული მატჩი მართლაც დაუვიწყარი იქნება.

იტალიელი სპეციალისტის თავკაცობით „რეალმა“ ლა ლიგაში 125-ე დაპირისპირება მოიგო და ეს გახლდათ ახალი ისტორიის ფურცელი.

ანჩელოტიმ ზინედინ ზიდანის 124 მატჩიანი შედეგი გააუმჯობესა და „რეალის“ მწვრთნელების ისტორიაში ლა ლიგაში გამარჯვებების რაოდენობით მეორე პოზიციაზე გადაინაცვლა. იტალიელს მხოლოდ მიგელ მუნიოსი უსწრებს, რომელსაც 257 გამარჯვება აქვს დაფიქსირებული.

ცნობისთვის, კარლოს ლა ლიგაში 125 გამარჯვების დასაფიქსირებლად 174 მატჩი დასჭირდა, რაც ძალიან დიდი მიღწევაა.