ბრიტანული და ესპანური გამოცემების ცნობით, ხოსეპ გვარდიოლამ მადრიდის „რეალის“ ერთ-ერთი ტოპ ტრანსფერი შესაძლოა ჩაშალოს...

მანჩესტერული გრანდი ხვდება, რომ მიუნხენის „ბაიერნმა“ ალფონსო დეივისთან სერიოზული მოლაპარაკებები წამოიწყო, სწორედ ამიტომ, კანადელი ფეხბურთელის მოხიბვლას ფულით აპირებს.

რაშია საქმე? „სიტი“ მზად არის, ალფონსოსთან 6 წლიანი კონტრაქტი გააფორმოს, რომლის ჯამური ღირებულებაც 80 მილიონი ევრო იქნება, „ბლანკოსი“ კი 6 წლიანი კონტრაქტის ფორმაში ფეხბურთელს ჯამურად 50 მილიონს სთავაზობს, რაც იმას ნიშნავს, რომ განაპირა მცველის წლიური სარგო დაახლოებით 8.4 მილიონი იქნება, „სიტი“ კი დეივისის მოხიბვლას წლიურად 13.5 მილიონით აპირებს, რაც გაცილებით აღემატება პერესის წინადადებას.

ესპანური გამოცემების ცნობით, პერესის გეგმა დეივისთან დაკავშირებით შესაძლოა მართლაც ჩაიშალოს, რაც ანჩელოტის დამატებით თავსატეხს გაუჩენს.